FESTA DE NADAL

🎄 Invitación á Festa de Nadal de Un Paso Máis 🎄

Queridas familias,

Con moita ilusión queremos convidarvos á nosa Festa de Nadal, unha celebración moi especial e exclusiva para os socios e socias de Un Paso Máis. Será unha oportunidade única para compartir unha tarde chea de alegría e maxia xunto aos vosos pequenos e pequenas.

🎅 Cando? O día Domingo 22 de decembro ás 17 horas.
🏡 Onde? Na escola de Arrabaldes en Carballo

Esta festa está pensada con moito mimo, garantindo que cada neno e nena se sinta a gusto, cómodo e plenamente integrado. Deseñamos actividades adaptadas para que todos, independentemente das súas características ou necesidades, disfruten da experiencia nun ambiente cálido e familiar.

Entre xogos, sorrisos e sorpresas, teremos a visita dun invitado moi especial: Papá Noel 🎁, que non quere perder a ocasión de coñecer aos nosos pequenos grandes protagonistas e escoitar os seus desexos para estas festas.

💡 Importante: Para organizar a festa da mellor maneira posible, necesitamos que confirmedes a vosa asistencia cubrindo o formulario de inscrición. Isto axudaranos a planificar todos os detalles para que a experiencia sexa inesquecible.

Estamos desexando compartir con vós esta tarde tan máxica e especial, porque en Un Paso Máis sodes moito máis que socios, sodes familia. ❤️

Agardámosvos con moita ilusión! 🎉

Con todo o noso cariño,
O equipo de Un Paso Máis 💫