Verán 2025 "Obradoiro de Estimulación"
SÓ NOS QUEDA DISPOÑIBLE 1 PRAZA PARA O MES DE AGOSTO.
TODAS AS DEMÁIS SOLICITUDES QUE RECIBAMOS A PARTIR DE AGORA TERANSE EN CONTA PARA A LISTA DE AGARDA.
📢 Convocatoria Exclusiva: Campamento de Verán "Obradoiro de Estimulación" 🎨👫
Queridas familias asociadas,
É unha enorme ilusión para nós poder anunciarvos en exclusiva a convocatoria do noso campamento de verán "Obradoiro de Estimulación", organizado por Un Paso Máis 🌟. Este ano, queremos ofrecer unha experiencia única, inclusiva e adaptada ás necesidades de todos os nenos e nenas.
📅 Datas e horario:
O campamento desenvolverase durante os meses de xullo e agosto, en horario de 09:30 a 13:30. Sabemos que as familias necesitades flexibilidade, polo que estamos abertos a adaptarnos en caso de necesidade tanto na entrega como na recollida. Non dubidedes en consultarnos! 😊
👩🏫 Profesionais e ratio:
O obradoiro será impartido polas profesionais de "Isabel García Centro de Especialidades", e contará con 2 terapeutas e 2 monitoras para un total de 12 prazas. Isto supón unha ratio moi reducida de 3 nenos por profesional. Ademais, contaremos con voluntarios/as, o que fará que, na práctica, a ratio sexa aínda menor. 💖
👧👦 Participantes:
Estará aberto para nenos e nenas de 3 a 13 anos, e desenvolverase nas instalacións do CEIP Xesús San Luis Romero de Carballo (Ximnasio, Patio cuberto, Patio exterior, zona de xogos, etc.). 🏫🌳
💶 Prezos:
Para facer posible este campamento, contamos coa colaboración do Concello de Carballo, a Deputación da Coruña, Caixabank e outras entidades e empresas que nos apoian habitualmente. Aquí tedes o listado de prezos:
Socios:
190 € ao mes por neno/a.
150 € ao mes por neno/a se son 2 irmáns.
150 € ao mes por neno/a se asisten os dous meses.
Non socios:
250 € ao mes por neno/a.
200 € ao mes por neno/a se son 2 irmáns.
200 € ao mes por neno/a se asisten os dous meses.
💳 Condicións de pago:
O pago do primeiro mes debe efectuarse no momento da inscrición.
O pago do segundo mes pode realizarse en calquera momento antes do 30 de maio.
As prazas non se confirmarán ata que se reciban ambos pagos.
⚠️ Importante:
Dado que esperamos unha alta demanda e as prazas son limitadas, recomendámosvos que formalicedes a inscrición canto antes se estades interesados/as. A partir de primeiros de abril, en caso de quedar prazas libres, abriremos as inscricións a non socios.
Se tedes calquera dúbida ou necesitades máis información, non dubidedes en contactar connosco a través dos medios habituais. Estamos aquí para axudarvos! 📞✉️
Grazas por confiar en Un Paso Máis. Esperamos que este campamento sexa unha experiencia inesquecible para os vosos fillos/as! 💫
Unha aperta forte,
O equipo de Un Paso Máis 🌈
FORMULARIO DE PREINSCRICIÓN
TRANSFERENCIA O INGRESO NA CONTA: ENTIDADE: LA CAIXA IBAN: ES90 0133 6235 5842 0000 2640
Unha vez confirmada a inscrición, poñerémonos en contacto contigo para que cubras o formulario definitivo.